Кеш бағдарламасында өзге де танымал қазақстандық боксшылардың жекпе-жегі жоспарланған
5 сәуір күні Астанада кәсіпқой бокс кеші өтеді. Турнирде 10 жекпе-жек болады.
Qazaqstantv арнасының мәліметінше, басты жекпе-жекте Жәнібек Әлімханұлы (16-0, 11 КО) мен Анауэль Нгамиссенгу (14-0, 9 КО) кездеседі. Отандасымыз IBF және WBO тұжырымдамалары бойынша орта салмақтағы чемпиондық белбеулерін қорғайды.
Кеш бағдарламасында өзге де танымал қазақстандық боксшылардың жекпе-жегі жоспарланған.
Атап айтқанда:
– Сұлтан Заурбек - Азинга Фузиле;
– Бахадүр Жалолов - Игорь Шевадзуцкий;
– Батыр Жүкембаев - Кейн Гарднер;
– Махмұд Сабырхан - Николас Тордесилья;
– Балауса Мұздыман - Мария Тереза Пинили;
– Отабек Холматов - Каноя Манигоса;
– Төрехан Сабырхан - Джири Хауке;
– Ақниет Әлімбай - Йозеф Дубски;
– Алишер Абдулалим - Кумар Чаудхари.
