Ол 19 наурыз күні министр лауазымына тағайындалған болатын.
Бүгін өтіп жатқан Үкімет отырысында жаңа энергетика министрі болып тағайындалған Ерлан Ақкенженов ант берді, деп жазады turkystan.kz.
— Қазақстан Республикасының халқы мен Президенті алдында өз Отаным — Қазақстан Республикасының экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің іс әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге ант етемін, — деді Ерлан Құдайбергенұлы.
