Өскемен қаласының мемлекеттік мекемелері жаңа жұмыс кестесіне көшеді, деп хабарлады turkystan.kz.
20 наурыздан бастап облыс орталығында мемлекеттік мекемелер мен бюджеттік ұйымдар үшін жаңа жұмыс кестесі енгізіледі. Бұл туралы Шығыс Қазақстан облысы әкімінің орынбасары Дархан Сапанов қалалық әкімдікте өткен жиында мәлімдеді.
Енді өскемендіктердің жұмыс күні 08:00-де басталып, 17:30-де аяқталады, түскі үзіліс 12:00-ден 13:30-ға дейін болады.
Бұл өзгерістің негізгі артықшылығы — кестенің икемділігі, бұл Шығыс Қазақстан облысының басқа аудандарында тиімділігін көрсеткен болатын.
«Жиында қаладағы мемлекеттік мекемелердің өкілдері болды — барлығы шамамен 300 адам. Қатысушылар жаңашылдықты қолдап, жұмыс күнінің ерте басталуы уақытты тиімді жоспарлауға мүмкіндік беретінін атап өтті», — деп хабарлады Шығыс Қазақстан облысының коммуникациялар қызметі.
