Жарысқа Қазақстан құрамасынан 12 боксшы қатысуда
Бүгін, 9 наурызда Сербияның Ниш қаласында бокстан әйелдер арасындағы әлем чемпионатының алғашқы жарыс күні өтеді.
Қазақстан құрамасынан шаршы алаңға алғаш болып 50 келі салмақтағы Алуа Балқыбекова шығады. Ол 1/16 финалда кениялық Нзивамен кездеседі. Ал 1/8 финалда Елдана Тәліпова өзбекстандық Олтин Сотимбаевамен жұдырықтасады.
Жарысқа Қазақстан құрамасынан 12 боксшы қатысуда. Чемпионаттың іріктеу кезеңі 9-13 наурыз аралығында өтсе, жартылай финал 14 наурызға жоспарланған. Ал финалдық жекпе-жектер 16 наурызда өтеді.
