Мереке қарсаңында әнші Қарақат Әбілдина «Парасат» орденімен марапатталды, деп хабарлады turkystan.kz.
Бүгін Президент қоғамдық қызметке cіңірген еңбегі мен ел мәдениетінің дамуына қосқан елеулі үлесі үшін бірқатар танымал тұлғаны «Парасат» орденімен марапаттады. Олардың арасында әнші Қарақат Әбілдина да бар.
«Сүйіншісімен келген көктемім! Құттықтауларыңызға мың алғыс!»,- деп жазды Қарақат Әбілдина әлеуметтік желідегі парақшасында.
Әлеуметтік желіде өнер иесіне оқырмандары жылы лебіздерін білдіріп жатты.
«Лайықты марапат», «Қазақ қыздарына үлгі болып жүре бер, қазақтың Қарақаты», «Қуанышқа ортақпыз», «Еңбегіңіз еленіп, аман есен жүріңіз», «Қуанышың қуанышқа ұласа берсін, еңбегіңнің жемісін көре бер», «Алла абырой берсін»,- деп жазуда желі қолданушылары.
