TikTok балалардың сексуалдық сипаттағы* тікелей эфирлерінен пайда табады.
BBC хабарлағандай, TikTok 15 жастан асқан жасөспірімдер басқаратын жыныстық сипаттағы тікелей трансляциялардан пайда табады.
Үш кениялық әйел журналистерге жасөспірім кезінде осындай сипаттағы тікелей эфир жүргізе бастағанын айтқан. Олар TikTok-ты пайдаланып, ашық жарнама жасап, басқа мессенджерлер арқылы жіберілетін астыртын контент үшін төлем келісімдерін жасағанын растады. Бұған дейін басылым TikTok тікелей эфирлерге қатысты барлық келісімдерден шамамен 70% үлес алатынын анықтаған.
Әлеуметтік желі модераторлары қудалау фактілері туралы білгенін мәлімдеді. Кениядағы бұрынғы қызметкерлердің бірі компанияға сексуалды қызметтер ұсынуды тоқтату тиімсіз екенін айтты, өйткені «тікелей эфир кезінде адамдар неғұрлым көп сыйлық жасаса, TikTok-тың табысы соғұрлым артады».
BBC мәліметінше, Кениядан жүргізілетін тікелей эфирлер TikTok-та кеңінен танымал. Журналистер бір апта бойы күн сайын кешке жүздеген көрермен тамашалаған он-шақты трансляцияны анықтаған.
ChildFund Kenya мәліметтері бойынша, мұндай тікелей эфирлерге 9 жастан асқан балалар жиі қатысады. Олардың кейбіреулері күніне шамамен 6-7 сағат жұмсайды және шамамен 30 фунт ақша табады. Бұл ақша оларға бір аптадағы тамақ пен көлікке жетеді екен.
Басылым, сонымен қатар, 18 жасқа толмаған пайдаланушыларға әлеуметтік желінің жас шектеулерін айналып өтуге көмектесетін "цифрлық жеңгетайларды" анықтады. Олар қызметі үшін табыстың белгілі бір бөлігін алады.
*Ескерту: материалда жыныстық сипаттағы мәліметтер бар
