20 жастағы шахматшы 9 турдың қорытындысы бойынша 7 ұпай жинады.
Қазақстандық гроссмейстер Қазыбек Нөгербек Францияның Канн қаласында өткен Festival International des Jeux 2025 халықаралық шахмат турнирінде ел қоржынына қола медаль сыйлады.
20 жастағы шахматшы 9 турдың қорытындысы бойынша 7 ұпай жинады. Нәтижесінде жүлделі үшінші орынға ие болды.
Соңғы турда жеребе тартылып, қазақстандық екі гроссмейстер – 24 жасар Әлішер Сүлейменов (2481) пен 20 жастағы Қазыбек Нөгербек (2514) бақ сынасты. Қара фигуралармен ойнаған 20 жасқа дейінгі шахматшылар арасындағы 2024 жылдың әлем чемпионы қарсыласынан басым түсіп, 3-орынға көтерілді.
Жарысқа қатысқан Қазақстанның басқа шахматшыларының нәтижесі төмендегідей:
Әлішер Сүлейменов – 6 ұпай, 16-шы орын;
11 жасар Аланна Берікқызы (2015) – 4 ұпай, 86-шы орын;
12 жасар Тимур Душатов (2102) – 4 ұпай, 93-ші орын.
