Бес раундқа жоспарланған айқас үшінші раундта Капенің жеңісімен аяқталды
АҚШ-та өткен UFC Fight Night 253 турнирінің басты жекпе-жегіне қатысқан Манель Капе мен Асу Алмабаевтың қанша гонорар алғаны белгілі болды.
Vesti.kz мәліметінше, бес раундқа жоспарланған айқас үшінші раундта Капенің мерзімінен бұрынғы жеңісімен аяқталды.
MMA.Metaratings.ru ақпараты бойынша, Капе турнирдегі ең жоғары гонорарды алып, 521 мың доллар тапқан. Оның ішінде: 350 мың доллар – жекпе-жекке шыққаны үшін, 100 мың доллар – жеңісі үшін, 50 мың доллар – үздік өнері үшін берілген бонус, 21 мың доллар – демеушілерден берілген ынталандыру ақысы.
Қазақстандық Асу Алмабаев 266 мың доллар тапты. Оның ішінде: 250 мың доллар – жекпе-жекке шыққаны үшін, 16 мың доллар – демеушілік бонус.
Айта кетейік, Алмабаев UFC тарихында басты жекпе-жекке шыққан алғашқы қазақстандық спортшы болды.
