Ол мәреге 34,30 уақыт көрсеткішімен жетіп, жеке рекордын жаңартты
Қазақстандық конькимен жүгіруші Евгений Кошкин Нидерландтың Херенвен қаласында өткен әлем кубогі кезеңінде қола жүлдеге ие болды. Бұл туралы Ұлттық олимпиадалық комитет мәлімдеді.
Спортшы 500 метр қашықтықта үшінші орын алды. Ол мәреге 34,30 уақыт көрсеткішімен жетіп, жеке рекордын жаңартты.
Жеңісті 34,18 нәтижесімен нидерландтық Еннинг Де Бо иеленді. Екінші орынды 34,27 уақытымен АҚШ спортшысы Джордан Штольц алды.
Айта кетейік, бұған дейін Кошкин Польшада өткен Әлем кубогі кезеңінде топ жарған еді.
