Диас Әубәкіров брейкингтен халықаралық турнирде алтын жеңіп алды

Индонезияда өтіп жатқан брейкинг спортынан өтіп жатқан жарыста қазақстандық Диас Әубәкіров алтын жүлдені жеңіп алды.

«Fresh Mo Jam» халықаралық рейтингтік жарыс болып есептеледі. Турнирге спортшылар әлемнің 52 мемлекетінен келді. Бұл бәсекеде Қазақстан ұлттық құрамасының көшбасшыларының бірі Диас Әубәкіров жеңімпаз атанды.

Қазақстандық спортшы финалда 2024 жылы өткен Париж олимпиадасының қола жүлдегері, екі дүркін әлем чемпионы Виктор Монтальваны ұтты.