189
Astana Indoor Meet: Елизавета Матвеева биікке секіруден 3-орын иеленді
Тағы бір қазақстандық спортшы Надежда Дубовицкая 1.84 метр нәтижесімен төртінші орынға тұрақтады
Астанада жеңіл атлетикадан Astana Indoor Meet for Amin Tuyakov Prizes турнирі аясында әйелдер арасында биікке секіру сайысы аяқталды.
Қазақстандық спортшы Елизавета Матвеева үшінші мүмкіндігінде 1.88 метр биіктікті бағындырып, турнир қорытындысы бойынша үшінші орынға ие болды.
Жарыстың алтын жүлдесін франциялық Гикел Солен жеңіп алса, жапониялық Нагиса Такахаши күміс жүлдегер атанды. Тағы бір қазақстандық спортшы Надежда Дубовицкая 1.84 метр нәтижесімен төртінші орынға тұрақтады.
