233
Ақтаудағы ұшақ апатына қатысты деректі фильм түсіріледі
Бұл туралы апатқа ұшыраған ұшақтың суреттерін бірінші болып жариялаған Азамат Сәрсенбаев мәлімдеді.
Азамат Сәрсенбаевқа әзербайжандық журналистер хабарласқан, деп хабаралады turkystan.kz.
"Бакудан әзербайжандық журналистер тікелей маған шығып, @canalplus арнасындағы түріктермен бірге Ақтау маңындағы авиакатастрофа туралы деректі фильм түсіруге дайындалып жатқанын айтты. Олар барлық тірі қалған жолаушылардан, қаза болған жолаушылардың отбасыларынан, ұшқыштардан және басқалардан сұхбат алуға дайындалып жатыр. Суреттері бүкіл әлемді аралап кеткен жалғыз қазақ ретінде мені өздерінің деректі фильмінің басты кейіпкері болуға шақырып отыр. Қызық сезім...", - деп жазды фотограф әлеуметтік желіде.
