211
Сандуғаш Кенжебаева Анталиядағы турнирдің жеңімпазы атанды
Финалдық матч шамамен 1,5 сағатқа созылды
19 жастағы қазақстандық теннисші Сандуғаш Кенжебаева Түркияның Анталия қаласында өткен ITF W15 турнирінің жұптық сайысында чемпион атанды.
Қазақстандық спортшы жарысқа түркиялық серіктесі Илай Йорукпен бірге қатысып, турнирдің 2-ракеткасы ретінде тіркелген болатын.
Финалда Сандуғаш пен Илай Германия өкілі Мина Ходжич пен Швейцария теннисшісі Мари Меттрауксқа қарсы бас жүлдені сарапқа салды.
Бірінші партияда қазақстандық-түркиялық жұп жеңіске жетті – 6:4. Екінші партияда қарсыластары есепті теңестірді – 5:7. Алайда супер тай-брейкте Сандуғаш пен Илай жеңісті жұлып алды – 10:8.
Финалдық матч шамамен 1,5 сағатқа созылды.
