471
Майкл Джексонның жария етілмеген 12 әні жазылған кассеталар табылды
Ер адам кассеталарды аукционда сатуға ниетті
Сан-Францискода Майкл Джексонның бұған дейін еш жерде жарияланбаған әндері табылды.
24.kz мәліметінше, қаладағы қойманың бірінде сақталған магниттік кассеталарда әйгілі әншінің 12 жазбасы бар. Кезінде бұл жерде Майкл Джексонмен бірге әндер жазған продюсер әрі әнші Брайан Лоурен жұмыс істеген.
Кассеталарды тауып алған ер адам "поп музыка королінің" жобаларын басқаратын компанияға хабарласқан. Бірақ ондағылар белгісіз себептермен жазбаларды сатып алудан бас тартқан. Сондай-ақ әндерді жария етуге болмайтынын да ескерткен.
Енді ер адам кассеталарды аукционда сатуға ниетті.
