472
Әйел адам түрмедегі ұлына шұжық ішіне телефон жасырып өткізбек болған
Анасы түрмедегі ұлына телефон кіргізбек болған.
Алматы және Жетісу облыстары бойынша Қылмыстық-атқару жүйесі департаментінің №14 қауіпсіздігі орташа мекемесінде тыйым салынған заттарды заңсыз өткізу әрекеті анықталды, деп хабарлады turkystan.kz polisia.kz-ке сілтеме жасап.
Мекеме қызметкерлері шұжықтың ішіне жасырылған смартфонды тапты. Бұл бандерольді анасы ұлына арнайы жібермек болған. Тексеру барысында смартфон, сим-карта және зарядтағыш құрал тәркіленді.
Аталған дерек бойынша ҚР Әкімшілік құқықбұзушылық туралы кодексінің 481-бабы негізінде іс қозғалып, кінәлі тұлғаға қатысты материалдар сотқа жіберілді.
