615
Кенжебек Жанәбілов Музарт тобына қабылданған сәтте болған оқиғаны айтып берді
Ол ұшақты қалай айдаймын деп уайымдап түнімен ұйықтамаған
Танымал әнші, Музарт тобының мүшесі Кенжебек Жанәбілов топқа қабылданғаннан кейін Мейрамбек Беспаевтың оны қалжыңдап алдағаны туралы оқиғаны айтты.
"Ауылдан жаңа келген кезім. Гастролдік сапармен шығайын деп тұрмыз. Маған билет жетпей қалды. "Кенжебек ауылдан келді, менің орныма ұшсын" деді Сәкен аға. Қасымдағылар "Сенің билетіңмен ол ұша алмайды" деп түсіндіріп жатыр. Бір кезде Мейрамбек аға "Кенжебек, қорықпа, ұшақ айдап барасың, саған билет табылмай тұр" деді. Өзі "тежегішті ғана ұстап отырасың, қонатын кезде ақырын жібересің. Түк қиын емес" деді. Қонақ үйдегі бөлмеге келіп, ұйқы жоқ. Түнімен көз ілмедім. Ұшақты қалай айдаймын деп уайымдадым. Таңертең әуежайға келсек, "саған билет табылды" деп ағаларым қарап тұр. Мен түнімен ұйықтамай жүрсем. Кейін олар маған пранк екенін айтты. Сондай қызық оқиғалар болған", – деді әнші.
