27-28 қарашада Астанада ЖОО студенттері қашықтан оқиды

Елордада Ұжымдық қауіпсіздік шарты ұйымының (ҰҚШҰ) саммитіне байланысты 4 жоғары оқу орнының студенттері онлайн оқитын болады.

27-28 қарашада Астанадағы ЖОО-да білім беру форматына келсек, төрт университет қашықтықтан оқыту форматына көшуде, екі университет ішінара қашықтықтан оқытуда, екі университет демалыста (бір триместр), бес университет дәстүрлі түрде (офлайн) оқытады, - деп мәлімдеме жасады Ғылым және жоғары білім министрлігінің баспасөз қызметі.

Бұл шешімдерді университеттер өздерінің академиялық саясаттарына сәйкес дербес қабылдаған.