203
Футболдан Қазақстан құрамасының қақпашысы көкпар ойнап жүр (ВИДЕО)
Мұхаммеджан Сейсеннің көкпарға қатысып, салым салған видеосы желіде таралды.
Әлеуметтік желіде ұлттық құрама қақпашысының атқа мініп, көкпар ойнап жүрген видеосы тарады, деп хабарлады turkystan.kz.
«Өткен жолы Конференциялар лигасында 13 сейв жасап, кеше күміс жүлдегер атанған Мұхаммеджан Сейсен бүгін салым салыпты», – деп жазылған желідегі пабликтердің бірінде таралған ақпаратта.
Видеодан атқа мініп, көкпар ойнап жүрген ұлттық құрама ойыншысын анық байқауға болады. Желі қолданушылары футболшыға қатысты жылы пікір жазып, риза болған.
«Сейсенге сеніп тапсыру керек қақпаны», «Ай, жарайсың, палуан!», «Ұлттық құраманың негізгі қақпашысы болатын жігіт», «Жігітке жеті өнер де аз», – деп жазды желі қолданушылары.
