АҚШ-та жарқанаттар арасында сұлулық байқауы өтті

АҚШ-та Жер ресурстарын басқару бюросы ұйымдастыратын жарқанаттар арасындағы жыл сайынғы сұлулық байқауы аяқталды.

Биылғы байқаудың жеңімпазы Орегон штатынан келген Хриплый Поттер есімді жарқанат болды. Финалда ол Айдаходан келген қатысушыны және Сэр-Флэпс-А-Лот, Роберт Баттинсон және Бэтлор Свифт атты басқа қарсыластарын басып озды. Байқаудың жеңімпазын Бюроның әлеуметтік желідегі қолданушылары анықтады.

Өткен жылы бұл титул Оңтүстік Орегоннан келген Таунсенд түріне жататын Уильям Шекспир есімді жарқанатқа бұйырса, 2022 жылы жеңіс каньондық Барбара атты жарқанатқа тиесілі болды.

Федералдық агенттік бұл шараны 2019 жылдан бастап өткізуде, жарқанаттардың экологиядағы маңызды рөлін насихаттауды мақсат еткен. Жабайы табиғатты қорғау жөніндегі техник Эмма Буск жарқанаттардың қоршаған ортаға үлесі зор екенін айтады. Олар жәндіктермен қоректеніп, гүлдер мен жеміс ағаштарын тозаңдандыру арқылы экологиялық жүйені қолдайды. Алайда жарқанаттар мекен ететін ортаның қысқаруы, аурулардың таралуы және жарықтың ластануы салдарынан қауіпке жиі ұшырауда.

"Жарқанаттардың бар болғаны 1%-дан кем бөлігі ғана құтырма ауруының тасымалдаушысы болып табылады, ал адамға жұқтыру қаупі өте төмен," — деді Буск. Ол бұл байқау арқылы жарқанаттарға деген құрмет пен сүйіспеншілікті арттыруды мақсат ететінін атап өтті.