170
Нұрлан Аманиязов самбодан әлем чемпионатының күміс жүлдегері атанды
Маңғыстау облысы прокуратурасының қызметкері, самбодан Азия және Океания чемпионы, Нұрлан Аманиязов Душанбе қаласында самбодан шеберлер арасында өткен әлем чемпионатының күміс жүлдегері атанды.
Әлемнің түкпір-түкпірінен келген шеберлер 7 түрлі жастағы санаты бойынша медальдар үшін бақ сынады және бәсекелестік өте жоғары болды.
Нұрлан Аманиязов тек техникалық дайындығын ғана емес, ерік күшін де көрсете білді, нәтижесінде жүлделі орынға ие болды.
Әділет кеңесшісі Нұрлан Аманиязов прокуратура органдарында 18 жылдан астам қызмет етіп келеді, қазіргі уақытта Жаңаөзен қаласы прокурорының орынбасары қызметін атқарады.
