Қытайда 20 жастағы қыз бастықтың толассыз ескертуінен соң сал болып қалған

Қытайда 20 жастағы қыз бастықтың түзетулері салдарынан сал болып қалған, бұл туралы SCMP жазды.

Жас Ли ауыр депрессияның белгісі саналатын дертке шалдыққан. Бұл күйде адамның денесі қозғалмай қалады.

Жағдай қиын болғаны сонша – ұйықтап жатқан Лидің басының астынан жастықты алып тастаса да, басы ауада қалықтап тұра береді.  

Дегенмен, елде оқиғаға таңғалғандар болмаған. Өйткені Қытайда жаңа жұмыс табу қиынға соғып, адамдар қазіргі жұмысында кез келген жағдайға төзуге мәжбүр.