Еркебұлан Ахат 58 кг салмақ дәрежесінде сынға түсті.
Түркістандық студент Еркебұлан Ахат жастар арасында самбо күресінен өткен әлем чемпионатында топ жарды. Бұл туралы облыс әкімдігі мәлімдеді.
Байрақты бәсеке 11-13 қазан аралығында Кипр мемлекетіндегі Ларнака қаласында болған. Айтулы додада бақ сынаған түркістандық бозбала Еркебұлан Ахат 58 кг салмақ дәрежесінде сынға түсіп, қарсыласқа шақ келтірмей чемпион атанды.
Еркебұлан Ахат – Cарыағаш ауданына қарасты Ақниет елді мекеніндегі №2 балалар-жасөспірімдер спорт мектебінің түлегі. Қазіргі таңда Түркістанда Қожа Ахмет Ясауи атындағы Халықаралық қазақ-түрік университетінде ІІІ курста оқиды. Ол самбо күресінен білікті бапкер Жанәділ Алдияровтан тәлім алған.
