Қазақстан президенті Нұрсұлтан Назарбаев қазіргі парламент өкілетті мерзімінің соңына дейін жұмыс істейтінін мәлімдеді. Назарбаев бұл туралы 16 наурызда мемлекеттік БАҚ өкілдерімен кездесуінде айтты. Кездесуден түсірілген видеоның үзіндісін кеше кешке Ақорданың баспасөз қызметі Facebook-тегі парақшасында жариялады.
- Жаңа сайлау мен үйленгеннен кейін әрқашан ойлаған нәрсең орындалып кетпейді жақсы сөз бар. Сондықтан... Халық неге жаңа сайлауды көксеп отыр? Парламент 2021 жылға дейін сайланған. Ол мерзімімен жұмыс істейді, - деді Назарбаев.
2015 жылы сәуірде өткен мерзімінен бұрын президент сайлауында Нұрсұлтан Назарбаев, ал 2016 жылы наурызда өткен парламент сайлауныда оның биліктегі "Нұр Отан" партиясы жеңген.
Назарбаевтың бұл кездесуіне мемлекеттік телеарналардың, оның ішінде "Қазақстан" телеарнасы, "Айқын" газеті, Esquire журналы, ресми ҚазАқпарат агенттігінің журналистері қатысқан. Президенттің баспасөз қызметінің хабарлауынша, кездесуге қатысқандар бірқатар мәселелерді, оның ішінде коррупцияға қарсы шаралар, сыртқы саясаттағы басымдықтар мен басқа да "маңызды тақырыптарды" талқылаған.