442
«Қабырғасы сынып, бүйрегіне зақым келген»: Елордада жұмысшы 7-қабаттан құлап кетті
Жедел операциядан кейін зардап шеккен адам реанимацияға жатқызылды.
14 тамыз күні Астанада жұмысшы 7-қабатта орнатылған құрылыс ағашынан құлап кетті, деп хабарлады turkystan.kz.
Астана денсаулық сақтау басқармасының мәліметінше, ер адамның жағдайы ауыр.
«Мәңгілік Ел даңғылы, 62/1 мекенжайы бойынша 7-қабаттағы құрылыс ағашынан құлаған 1990 жылы туған ер адам жедел жәрдем көлігімен №2 қалалық көпсалалы ауруханаға жеткізілді», - деп хабарлады денсаулық сақтау басқармасының баспасөз қызметі.
Ер адамның миы, өкпесі және сол бүйрегіне зақым келген, көп жарақат алған, екі иығында және омыртқаның әртүрлі бөліктеріндегі қабырғалары сынған. Жедел операциядан кейін зардап шеккен адам реанимацияға жатқызылды.
