Ақмола облысында ер адам көлік жүргізіп келе жатып қайтыс болды
Қайғылы оқиға 14 шілдеде болған.
Ақмола облысында ер адам көлік жүргізіп келе жатып қайтыс болды. Аталған дерек бойынша сараптама тағайындалды, деп хабарлады turkystan.kz сайты nur.kz-ке сілтеме жасап.
Ведомство баспасөз қызметінің мәліметінше, қайғылы оқиға 14 шілдеде Ақмола облысында болған. "Көлік жүргізушісі көлік жүргізіп келе жатып кенет әлсіреп, рульде отырған күйі көз жұмған", - деп хабарлады облыстық полиция департаменті өкілдері.
Қазір бұл факт бойынша тергеу амалдары жүргізіліп жатыр. Тиісті сараптамалар тағайындалды. Ақмола облысының полиция департаменті көлік жүргізушілерін, әсіресе, жүрек-қан тамырлары, неврологиялық және басқа да аурулармен ауыратындарды қауіпсіздік ережелерін сақтауға шақырды. Күн ыстықта жол жүруден аулақ болу керек, егер денсаулығыңыз сыр берсе, көлікті тоқтатып, 103 нөміріне қоңырау шалу керек, дейді мамандар.
«Автокөлік ішіндегі жоғары температура одан сайын шаршатып, сондықтан көлікте ауыз су мен қажетті дәрі-дәрмектері бар алғашқы медициналық көмек қобдишасы бар болуын қадағалаңыз», - дейді ПД өкілдері.
