Марат Әйтеновтың балаларына психологиялық көмек көрсетілетін болды
Бұл туралы балалар омбудсмені Динара Зәкиева әлеуметтік желідегі парақшасында жазды.
![Марат Әйтеновтың балаларына психологиялық көмек көрсетілетін болды](https://turkystan.kz/cache/imagine/1200/uploads/resized-images/2024/07/1721045381.jpeg)
Шымкенттің экс-әкімі Мұрат Әйтеновтің ағасы Марат Әйтенов үйінен күштеп шығарған балаларға психологиялық көмек көрсетіледі. Бұл туралы балалар омбудсмені Динара Зәкиева әлеуметтік желідегі парақшасында жазды.
«Құрметті достар! Мен 12 шілдеде хабарлағанымдай, Дана Әтешова және оның балаларымен болған фактілер бойынша прокуратураға жүгіндім.
Зорлық-зомбылық фактісі бойынша, іс-әрекеттер жиынтығын ескере отырып, әкімшілік іс жүргізіліп, қылмыстық іс қозғалды. Әкімшілік іс бойынша сот шешім шығарды, ал жаңа заңға сәйкес қозғалған қылмыстық іс бойынша (бұрын бұл әрекеттер әкімшілік кодекс шеңберінде қаралған), менің білуімше, материалдар жақын күндері сотқа берілуі керек.
Бұдан басқа, болған оқиға атқарушылық іс жүргізу туралы заңнаманы бұзумен байланысты. Заңда атқарушылық іс жүргізу тараптары мен мемлекеттік органдар өкілдерінің ғана қатысуы көзделеді, олар, өздеріңіз білетіндей, бұрынғы жұбайы және басқа да адамдар болып табылмады. Бұл факт бойынша тексеру жүргізілуде. Сондай-ақ уәкілетті органдар өкілдерінің іс-әрекеттеріне байланысты қызметтік тексеру жеке жүргізіледі.
Барлық болған оқиғаның ең қорқыныштысы – балалар бастан кешкен психологиялық жарақат. Әріптестерімен, өңірлік уәкілмен және қала әкімдігімен балаларға психологиялық көмек, аналарға балалар мәселелері бойынша қажетті заңгерлік кеңес беру ұйымдастырылды.
Бұрын, маусым айының ортасында мен Данаға ақпарат жіберуді сұрап жаздым, өйткені мен әлеуметтік желілерде орналастырылған видеоны көрдім. Нәтижесінде, құзыреттілікті ескере отырып, балаларға қатысты бөлікке назар аудара отырып, уәкілетті органға өтініш жолдадым. Сонымен бірге, сот тақырыбы мүліктік сипатқа ие болды және сот шешіміне ешкім әсер ете алмайтыны белгілі, ал шағымдану үшін белгілі бір тәртіп бар.
Ажырасу процесі көбінесе отбасылардағы әр түрлі жағдайлармен бірге жүреді, бірақ балалардың мұндай азап көруін ақтай алмаймыз», - деп жазды ол.
Еске салсақ, 12 шілде күні М.Әйтеновтің бұрынғы жұбайын балаларымен бірге үйден сүйреп шығарып жатқан видеосы әлеуметтік желіде тарады.
Ал ертесі күні жәбірленуші әйел әлеуметтік желі арқылы Мемлекет басшысынан көмек сұрап, үндеу жариялады. Әйелдің айтуынша оның бұрынғы күйеуі соңғы жылда олардың өмірін тозаққа айналдырып жіберген. Кейін Астана қалалық полиция департаменті Марат Әйтеновтіңуақытша ұстау изоляторына қамалғанын мәлімдеді.