404
Оралда ерлі-зайыптының мәйіті табылды
Өрт шыққан саяжайдан құтқаушылар екі адамның күйік шалған денесін тапты.
Оралдағы үйлердің бірінен ерлі-зайыптының күйік шалған денесі табылды, деп хабарлады turkystan.kz сайты «Мой Город» басылымына сілтеме жасап.
Қайғылы оқиға 3 шілдеге қараған түні болды. БҚО ТЖД баспасөз қызметі мәліметінше, сағат 02:34-те өртсөндірушілердің пультіне «Пенсионер» бау-бақша серіктестігінде 30 шаршы метр аумақта саяжай өртеніп жатқаны туралы шақыру түскен.
Сағат 4:30-да өрт толық ауыздықталды. Оқиға орнынан өртсөндірушілер екі адамның күйік шалған мәйітін тапты.
Өрттің себептерін мамандар анықтап жатыр. Тұрғындардың сөзінше, марқұмдар - жас ерлі-зайыпты.
«Олардың үйі су тасқынынан зардап шекті. Олар зиянды анықтау жөніндегі комиссияны күтті, бірақ оған жете алмады», - деді тұрғындардың бірі.
