Шымкентте дендросаябақ басшысы күдікке ілінді
Тергеу барысында күдіктілер кінәні толық мойындап, келтірілген залалды өтеді.
![Шымкентте дендросаябақ басшысы күдікке ілінді](https://turkystan.kz/cache/imagine/1200/uploads/resized-images/2024/06/1718952216.jpg)
Шымкентте парк басшысы 14 миллион теңгеден астам қаржы жымқырды деп айыпталды.
Асқаров атындағы «Шымкент мемлекеттік дендрологиялық саябағы» МКҚК директорына, кадр бөлімінің басшысына, сондай-ақ бас бухгалтеріне қатысты 14,7 миллион теңге бюджет қаражатын жымқыру фактісі бойынша сотқа дейінгі тергеп-тексеру аяқталды. Мұны сыбайлас жемқорлыққа қарсы іс-қимыл агенттігінің Шымкент қаласы бойынша департаментінің басшысы Дәурен Ерғарин мәлімдеді.
Тергеу барысында күдіктілер кінәні толық мойындап, келтірілген залалды өтеді.
Қылмыстық іс қала прокуратурасымен сотқа берілді.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.