Таразда есірткі саудалаумен айналысқан екі дос ұсталды
Тараз қаласының 34 және 32 жастағы тұрғындары ұсталды.
Таразда есірткі сатушылардан мефедрон тәркіленді, деп хабарлады turkystan.kz.
Жамбыл облысының полициясы синтетика сатушылардың қызметін тоқтатты. Polisia.kz сайтының мәліметінше, ұсталғандар уақытша ұстау изоляторына қамауға алынды.
Ұзақ уақыт бойғы жедел-тергеу іс-шаралар кешенінің нәтижесінде есірткі құралдарының заңсыз айналымына қатысы бар 2 күдікті – Тараз қаласының 34 және 32 жастағы тұрғындары анықталып, ұсталды.
«Олар синтетикалық есірткіні облыс орталығы аумағында таратқан. Іздестіру іс-шараларын жүргізу барысында күдіктілердің бірінің үйіндегі жатын бөлмесінен жалпы салмағы 122,37 гр мефедрон синтетикалық заты жасырылған орын табылды», - делінген хабарламада.
Яғни 330-дан астам доза есірткінің тұтыну үшін таралуына жол берілмеді, оның қара нарықтағы құны 5,5 миллион теңге сомасына бағаланады.
«Екі жақын дос Тараз қаласында есірткі заттарын сатумен айналысқан. Жедел қызметкерлер оларды ұзақ уақыт бақылады. Есірткі сатушыларды ұстау бойынша арнайы операция олардың тұтынушылармен алдын ала кезекті келісіміне кейін жүргізілді», – деді есірткі қылмысына қарсы іс-қимыл басқармасының бастығы Әлім Бажықбаев.
