Финляндия астанасындағы кофе ұнтағын әзірлейтін шеберхана жасанды интеллект жасаған кофе қоспасын ұсынды. Нәтижесі сарапшылардың өзін таң қалдырды, деп жазды euronews.com.
Шеберхана жаңа технология дәстүрлі түрде қол еңбегімен өнім алынатын осы сектордағы жұмысты жеңілдетеді деген үмітпен жасанды интеллект жасаған кофе қоспасын сынақтан өткізіп, сарапшыларға ұсынды. Хельсинкиде орналасқан Kaffa Roastery компаниясының "AI-conic" қоспасы ойлағаннан да жақсы нәтиже көрсетті.
Халықаралық кофе ұйымының мәліметіне сүйенсек, әлем бойынша кофені ең көп тұтынатын 5,6 миллион халқы бар Скандинавия елі жылына жан басына шаққанда 12 килограм кофе ішеді екен.
"ChatGPT және Copilot сияқты модельдер, жасанды интеллект дәстүрлі дәм комбинацияларының шекарасын кеңейте отырып, кофе әуесқойларының талғамына сәйкес келетін қоспа жасап шығарды", - деді компания өкілдерінің бірі.
Kaffa Roastery компаниясының басқарушы директоры және негізін қалаушы Сванте Хампф Associated Press агенттігіне екі серіктес те жасанды интеллект пен оның әртүрлі құралдары Финляндияда жоғары бағаланған дәстүрлі қолөнер кәсібі кофені қуыруға қалай көмектесетінін тексергісі келетінін айтты.
"Негізінде, біз жасанды интеллектке барлық кофе сорты мен олардың хош иістерінің сипаттамаларын бердік және оған қызықты жаңа қоспаны жасауды тапсырдық", - деді Хампф Хельсинки кофе фестивалінде.
Алғашқы сынақтан кейін кофе сарапшылары қоспаның мінсіз екеніне және адамның араласуының қажеті жоқ екеніне бірауыздан келіскен.
Elev өкілі анти Мерилехтоның айтуынша, "AI-conic - кофе әуесқойларына жаңа дәм ұсына отырып, жасанды интеллекттің тәжірибелі мамандарға жаңа перспективаларды қалай ашатынының нақты мысалы".
KaffaRoastery бұл сынақ кофе кәсіпқойлары арасындағы күшті кофе мәдениеті мен технологияға деген құштарлығы және гүлденген стартап алаңы бар Финляндияның болашағына қатысты диалогқа түрткі болады деп үміттенеді.
"Бұл (сынақ) ЖИ болашақта бізге қалай көмектесетінін түсінудің алғашқы қадамы болды", - деді Хампф.