Ауа райының қолайсыздығына байланысты бірнеше республикалық жолда қозғалысқа шектеу енгізілді, деп хабарлады turkystan.kz.
- 28 наурызда сағат 20:30 шамасында еріген судың көп мөлшерінен және көлік құралдарының қауіпсіз қозғалысын қамтамасыз ету мақсатында «Қарағанды-Аягөз-Боғаз» республикалық авто жолының 707 шақырымынан 941 шақырымына (Аягөз қаласынан Боғаз ауылына) дейінгі аралықта барлық көлік құралының түрлеріі үшін қозғалысқа шектеу қойылды.
- 28 наурызда сағат 20:50 шамасында көпірге қарай жолдың ішінара бұзылуына байланысты «Самара-Шымкент» авто жолының 965 шақырымынан 1240 шақырымына дейінгі аралықта барлық көлік құралының түрлері үшін қозғалысқа шектеу енгізілді (Қарабұтақ ауылынан Қызылорда облысының шекарасына дейін).
- 28 наурызда сағат 21:00 шамасында Ақтөбе облысына көлік қозғалысының жабылуына байланысты Қызылорда облысында «Самара-Шымкент» авто жолының 1240 шақырымынан 1357 шақырымға дейінгі аралықта көлік құралының барлық түрлері үшін қозғалысқа шектеу қойылды (Ақтөбе облысының шекарасынан Арал қаласына дейін).
- 28 наурызда сағат 21:00 шамасында Қарағанды облысында еріген судың шамадан тыс көп болуына және көліктің қауіпсіз қозғалысына қауіп төнуіне байланысты Астана-Қабанбай батыр-Нұра-Теміртау авто жолының 147-шақырымнан 166-шақырымға дейінгі аралықта көлік құралының барлық түрлері үшін қозғалысқа шектеу қойылды (Алғабас ауылынан Ақмешітке дейінгі учаске).