854
Ауа райының күрт нашарлауына байланысты 2 облыста жол жабылды
Республикалық маңызы бар автожолдардың 2 учаскесінде көлік қозғалысына шектеу енгізілді.
Ауа температурасының төмендеуі мен жауын-шашынға және боранға байланысты еліміздің 2 облысында жол жабылды, деп хабарлады turkystan.kz.
Республикалық маңызы бар автожолдардың 2 учаскесінде көлік қозғалысына шектеу енгізілді. Қазавтожол мәліметінше, жол шектеулері Жамбыл облысы мен Жетісу облысында енгізілген.
Жамбыл облысында шектеу «Алматы-Ташкент-Термез» автожолы және Жаңа Қордай асуының 95 шақырымында енгізілген. Ал Жетісу облысында шектеу бір участкеде, яғни, «Үшарал-Достық» Көктұма стансасында және Достық стансасының 100 шақырымында енгізілген.
Шектеу барлық көлік түрлеріне қолданылады. Дәл қазір республикалық маңызы бар автожолдарды тазалауға 288 техника жұмылдырылды.
