Тез ұйықтау үшін не істеу керек?

Тез ұйықтаудың 7 әдісі

Түнгі ұйқының маңызы зор екені айтпаса да түсінікті. Қазір ұйқысыздыққа шалдығып, дәрігерлердің көмегіне жүгінетіндер де жетіп-артылады.

Сонымен, тез ұйықтау үшін не істеу керек?

Ұйқыға жатар алдында 1 стақан сүт немесе 1 стақан жылы суға 1 ас қасық бал араластырып ішіңіз. Киви – серотонин мен антиоксиданттарға бай жеміс. Ал серотонин – ұйқы циклін реттейтін мидың химиялық заты. Ұйықтар алдында киви жеген дұрыс. Қой санаудың қажеті жоқ. Себебі санау барысында ми белсенді жұмыс істейді. Бұл ұйықтауға кесірін тигізеді. Тыныштандыратын әуендер тыңдаңыз. Музыка ағзаңызға әрі жақсы ұйықтауыңызға оң әсерін тигізеді. Ұйықтар алдында көп тамақ жеуге болмайды. Жатардан 2-3 сағат бұрын тамақтанған жөн. Бұл уақыт аралығында асқазандағы ас қорытылып, ағза демалуға дайын болады. Бөлмені желдетіп алыңыз. Бөлмедегі ауа таза болған сайын, іші салқынырақ болатынын ұмытпаңыз. Бұл тәтті ұйқыға кетуге ықпалын тигізетіні сөзсіз. Ұйықтар алдында телефон қарауға болмайды. Смартфон көргеннен кейін сіздің миыңыз бірнеше сағат бойы демалмайды. Ақырында тыныш ұйқыға кету үшін де тағы біраз уақыт жоғалтасыз.