Батыс Қазақстанда «AMANAT» партиясының өңірлік әйелдер қанаты құрылды

Бұл туралы партия хатшысы Шолпан Каринованың жергілікті әйелдер активімен кездесуі барысында белгілі болды.

Облыстық Достық Үйінің ғимаратына өңірдің түкпір-түкпірінен 60-қа жуық қатысушы жиналды. Іс-шара барысында "AMANAT" партиясының Батыс Қазақстан облыстық филиалы жанындағы әйелдер қанатының төрағасы болып Гаухар Шайхиниязова сайланды.

"AMANAT" партиясының хатшысы Шолпан Каринова атап өткендей, әйелдердің мемлекеттік басқаруға және қоғамдық өмірге қатысуын кеңейту қажет.

"Қазіргі әйел тек қамқор ана ғана емес, сонымен қатар табысты бизнес-леди, талантты инженер, бір сөзбен айтқанда, кез-келген саладағы көрнекті маман. Әйелдер әділ Қазақстанның құрылысына белсенді қатысады, оның әр салада дамуына елеулі үлес қосуда. Отбасы институтын, көп балалы аналарды қолдау, гендерлік теңдікті қамтамасыз ету – Мемлекет Басшысы Қасым-Жомарт Тоқаев саясатының және "AMANAT" партиясының сайлауалды бағдарламасының маңызды басымдықтары. Ол үшін біз инклюзивті мәдениет пен гендерлік паритетті қалыптастырамыз, онда жалақы мен лауазымдар жынысқа емес, адамның кәсіби дағдыларына қарай бөлінеді", – деді ол.

Өз кезегінде Батыс Қазақстан облысы әкімінің орынбасары Бақытжан Нарымбетов Орал халқының 51%-ы әйелдер құрайтынын атап өтті.

"Біздің облыста "Алтын алқа" және "Күміс алқаның" 7 мыңға жуық иегері бар. Сонымен қатар, барлық ШОБ субъектілерінің тағы да 51%-ын әйелдер құрап отыр. Қазіргі қоғамда гендерлік теңдік барған сайын маңызды принципке айналуда. Әйелдер ер адамдардан төмен тұруы қажет деген түсінік қазірдің өзінде ескіріп бара жатыр. Әйелдер тек отбасылық өмірде ғана емес, саясатта, бизнесте, мемлекеттік қызметте және басқа да көптеген салаларда шешуші рөл атқарады", – деді ол.

Бұл ретте, Батыс Қазақстанның әйелдері еліміздің қоғамдық және саяси өмірінде ерекше белсенділік танытуда, деп есептейді Батыс Қазақстан облыстық мәслихатындағы "AMANAT" партиясы фракциясының жетекшісі Софья Ізмұхамбетова.

"Біздің өңірде "AMANAT " партиясының 27 мыңға жуық мүшесі бар, оның 17 мыңы – әйел адамдар. Олар оң өзгерістердің ажырамас бөлігіне айналуда. Олардың белсенділігі аймақтың және бүкіл еліміздің дамуына құнды үлес қосуда. Әйелдер көшбасшылығы жай ғана құбылыс емес, әділ Қазақстанды құруға арналған қуатты қозғалтқыш", – деді ол.

Айта кету керек, партияның бастамасымен әйелдер қанаты жұмысының 10 басымдығын аталып, ұсынылды, олардың ішінде: отбасылық-тұрмыстық зорлық-зомбылықтың алдын-алуға жәрдемдесу, өндірістегі еңбекті қорғау, ауылдағы бизнес, отбасының денсаулығы мен құндылықтары, экономикалық құқықтар, әйелдердің ғылымдағы рөлі және басқалар. Әр бағыт бойынша өзекті мәселелерді шешу бойынша өз көзқарастары мен пікірлерін ұсынатын сараптамалық топтар жұмыс істейтін болады.