Шымкентте бала күтуші жұмыс берушінің алтын бұйымын ұрлап кеткен, деп хабарлады turkystan.kz.
Шымкенттік отбасылардың бірінде күтуші болып жұмыс істейтін 20 жастағы қыз алтын бұйымдарды ұрлап кеткен: 2 сақина мен сырға. Залал сомасы 300 мың теңгені құрады.
«Ол ұрланған алтынды ломбардқа тапсырып, түскен ақшаны жеке қажеттіліктеріне жұмсаған. Сот қызды қылмыстық құқық бұзушылық жасағаны үшін кінәлі деп таныды», – делінген Polisia.kz сайтының хабарламасында.
Аталған факті бойынша ҚР ҚК-нің 188-бабы (Ұрлық) бойынша оған тұрғылықты жері бойынша пробациялық бақылау белгілей отырып, 1 жыл мерзімге бас бостандығын шектеу түріндегі жаза тағайындады.
«Қазіргі уақытта сотталған Абай ауданының пробация қызметінің есебінде тұр, оған құқықтары мен міндеттері түсіндірілді. Сотталған келтірілген залалды толық өтеді», – деді Абай ауданының ПҚ инспекторы Талант Смағамбетов.
