Қазақстанда зейнетақының орташа мөлшері қанша?
2023 жылғы 1 қарашадағы жағдай бойынша зейнеткерлер саны – 2 млн 320 мың адам.
![Қазақстанда зейнетақының орташа мөлшері қанша?](https://turkystan.kz/cache/imagine/1200/uploads/resized-images/2023/11/1700118711.jpg)
2023 жылғы 1 қарашадағы жағдай бойынша жиынтық зейнетақының орташа мөлшері 120 873 теңгені құрады. Оның ішінде ынтымақты зейнетақы мөлшері – 82 980 теңге, базалық зейнетақы – 37 893теңге. Бұл туралы turkystan.kz Еңбек және халықты әлеуметтік қорғау министрлігіне сілтеме жасап хабарлады.
Жыл басынан бері республикалық бюджеттен 2 трлн 755,2 млрд теңге сомасына зейнетақы төленді. Оның ішінде базалық зейнетақыға – 845,2 млрд теңге, ынтымақты зейнетақыға – 1 трлн 910 млрд теңге бағытталды.
2023 жылғы 1 қарашадағы жағдай бойынша зейнеткерлер саны – 2 млн 320 мың адам.
Еске сала кетсек, 2018 жылдың 1 шілдесінен бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалады.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.