«Қазгидромет» РМК демалыс күндеріне арналған ауа райы болжамын жариялады, деп хабарлады turkystan.kz.
Синоптиктердің мәліметінше, алдағы күндері еліміздің басым бөлігінде найзағай ойнап, екпінді жел соғады.
«Қазақстанның батысында бұршақ жаууы мүмкін. Республиканың оңтүстік-шығысындағы таулы аймақтарда түнде жаңбыр жауып, бұршақ жаууы ықтимал. Еліміздің солтүстік-батысында, солтүстігінде және шығысында түнде және таңертең тұман күтіледі», – делінген хабарламада.
Еліміздің басым бөлігінде ауа температурасы түнде 2-12 градус жылы болады. 7 қазанда солтүстікте кей аудандарда ауа температурасы +1 градусқа дейін төмендейді, күндіз солтүстікте 10-20 градус, оңтүстікте 15-27 градус жылы болады.