Бүгін - Димаш Құдайбергеннің туған күні

Аты әлемге әйгілі қазақстандық әнші Димаш Құдайберген 29 жасқа толды деп хабарлады turkystan.kz. Димаш Қанатұлы 1994 жылы 24 мамыр күні Ақтөбеде Қазақстан Республикасының мәдениет қайраткерлері Қанат Құдайбергенұлы мен Светлана Айтбаеваның отбасында дүниеге келген. Димаш бес жасында музыкалық колледж сахнасында алғаш әнші ретінде  өнер көрсеткен. Алты жасында «Айналайын» республикалық байқауының «Фортепиано» номинациясында жеңімпаз атанған. 2015 жылы Белоруссияда «Славянский базар» өнер фестиваліне қатысып, танымал болды. Кейін жас орындаушы бір жылдай Қытайдың «Мен әншімін» жобасына қатысып, талантымен күллі әлемді таңғалдырған.