«Мұнайдан түсетін табыс Ұлттық қордың қорын 66%-ға өсірді, бес жыл ішіндегі динамика жақсы. Ал шығын осы бес жыл ішінде 120%-ға жеткен. Яғни біздің шығын табысты екі орап отыр. Осыған байланысты Үкімет бұл ақшаны Ұлттық қордан немесе бюджет тапшылығын ұлғайту есебінен алатыны түсінікті және қисынды. Бюджетті нақтылауда көріп тұрғанымыздай, бюджет жетіспеушілігі сол қалпында қалған, бұл дегеніміз, Ұлттық қордан алып отыр деген сөз», - деді Әшімбаев.Мәулен Әшімбаев Үкіметке салық базасын кеңейте отырып, жаңа табыс көздерін іздеу қажеттігін мәлімдеді. Сондай-ақ, ол жалпы Министрлер кабинеті қаржылық тәртіпке келіп, Ұлттық қордан тек стратегиялық шығындарға жұмсалуы керек екенін атап өтті. Бұған дейін Қаржы министрлігінің басшысы Ерұлан Жамаубаев ұлттық ауқымдағы әлеуметтік маңызы бар жобаларды және стратегиялық маңызды инфрақұрылымдық жобаларды қаржыландыру үшін Ұлттық қордан 800 млрд теңге көлемінде нысаналы трансферт қосымша тартылатынын хабарлады.
Ұлттық қордың толмауына Үкіметтің шығыны кінәлі ме? – Әшімбаев жауап берді
Ұлттық қордың толмауына Үкіметтің шығыны кінәлі ме? – Әшімбаев жауап берді
Сенат төрағасы Мәулен Әшімбаев Үкіметті Ұлттық қордағы шығындар үшін сынға алды деп хабарлады turkystan.kz.
Оның айтуынша, соңғы бес жыл ішінде Ұлттық қордың қорын ұлғайту 66%-ға өскенімен, шығын 120%-ға жеткен.