Ең қымбат iPhone қай елде сатылады? – Қазақстан ондыққа кіреді

Globalproductprices нұсқасы бойынша, жады 128 ГБ iPhone 14 бағасының жаһандық рейтингінде Қазақстан 74 елдің ішінде 10-орын алып, мұндай телефонды сатып алу ең қымбат елдердің қатарына кірді. Аталған телефон құны елімізде 1,2 мың АҚШ доллары деп хабарлады turkystan.kz ranking.kz басылымына сілтеме жасап. Ең қымбат iPhone 14 Нигерия, Түркия және Бразилияда: сәйкесінше 1,7 мың, 1,6 мың және 1,5 мың АҚШ доллары. Гаджетті сатып алатын «ең арзан» елдер АҚШ (799 АҚШ доллары), Канада (807 АҚШ доллары) және Макао (854 АҚШ доллары) болды. Бұл ретте рейтингте қарастырылған ТМД елдерінің ішінде Әзербайжан мен Украина* ҚР-дан жоғары тұр, мұнда жады 128 ГБ iPhone 14 сәйкесінше 1,4 мың және 1,3 мың АҚШ доллары тұрады. Қазақстаннан сәл арзанырақ құрылғыны Ресей мен Өзбекстанда сатып алуға болады: 1,1 мың АҚШ долларына. * Украина бірқатар себептерге байланысты ТМД-да даулы мәртебеге ие.