«Әуе компания өкілдерін ұрған»: Астанада жолаушылар жанжал шығарды

Астана – Шымкент рейсінің жолаушылары рейстің тоқтауына байланысты Астана әуежайында жанжал шығарды деп хабарлады turkystan.kz Tengrinews.kz сайтына сілтеме жасап. Әлеуметтік желілерде Астана әуежайынан Шымкентке ұшпай қалған Fly Arystan жолаушыларының видеосы пайда болды.

@bdvarchi #airastana #nqz #astana #flyarystan #нападение #аэропорт #шымкент #задержкарейса #флайарыстан @FlyArystan✈️🦁 ♬ оригинальный звук - bdvardak

Кейбір жолаушылар әуе компания өкілдерін ұрып, оларға заттар лақтырған. Адамдар айғайлап, ұшаққа отырғызуды талап етіп жатыр. Жолаушылардың бірінің айтуынша, Астана – Шымкент рейсі 25 ақпанда сағат 05:40-та ұшуға тиіс болған.

"Ауа райына байланысты деп қайта-қайта уақытын жылжыта беріп, ең соңында 10 сағат күтіп шаршаған жолаушыларға "рейс болмайды" деп смс жіберді. Содан ашулы халық наразылығын көрсетіп жатыр. Флайарыстаннан жауап беретін бір жауапты адам келмеді. Бірінші рет емес, осы авиакомпания жиі осындай жағдайда қалдырады. Мәселе ауа райында да емес қой сондағысы" деп жазды жолаушы.

Астана әуежайының онлайн-таблосындағы деректер бойынша KC 7308 рейсі шынымен тоқтатылған.

"ҚазақЭйр Шымкентке өз уақытынан жарты сағатқа кешігіп шықты. Бірақ ол әйтеуір ұшты. Бұл жерде ауа райы деп халықты алдап керек емес. Қаншама үлкен ата-әжелеріміз, кішкентай сәбилеріміз бар түннен бері көз ілмей күтіп отырған. Билет сатылды ма, кешігіп болсын адамдарды барар жеріне жеткізу олардың міндеті деп ойлаймын. Авиакомпаниядан әбден көңіліміз қалды", - деді жолаушы.

Серіктес жаңалықтары