50270
Қазақстанда 20 күнде 27 мыңға жуық шетел көлігі заңдастырылды
Қазақстанда 20 күнде 27 мыңға жуық шетел көлігі заңдастырылды
Көлікті заңдастыру шарасы жүзеге асырыла бастаған 20 күнде 27 мыңға жуық көлік тіркелді деп хабарлады turkystan.kz Polisia.kz сайтына сілтеме жасап.
Сайттағы деректерге қарағанда, тағы 65 мыңнан астам автокөлік алдын ала тексеруден өтіп, тіркеуге жіберілді.
Сонымен қатар ІІМ автокөліктерді заңдастыру процесінде туындайтын проблемаларды шешу үшін талдау жүргізуде.
Атап айтқанда, заңдастыру процесінде көбіне басқару органдары оң жақта орналасқан автокөліктер анықталды, олар ел аумағына қосалқы бөлшектер түрінде әкелініп, кейіннен Қазақстан азаматтарына сатылған.
«Аталған көліктер бойынша Ішкі істер министрлігі мемлекеттік органдармен бірлесіп, оларды Қазақстан Республикасында бастапқы тіркеудің құқықтық тетіктерін әзірледі. Қазір заңмен ресімдеу жұмыстары жүргізілуде», - делінген хабарламада.
