Рудныйда көпқабатты үйлер жылусыз қалды

Қостанай облысы Рудный қаласында жылу трассасы жарылды деп хабарлады turkystan.kz қала әкімдігіне сілтеме жасап.

26 қаңтар күні сағат 14.00 кезінде Рудный қаласы Горняков көшесіндегі диаметрі 530 мм жылу трассасы жарылған.

Оны жөндеу кезінде 24 көпқабатты үй, 59 жеке үй және 16 заңды тұлға ғимараттары жылудан ажыратылды.

Құбыр жарылған жер анықталды. Жылу желісін қалпына келтіру үшін бүкіл қажетті жұмыс жүргізіліп жатыр.