50495
«AMANAT» партиясының атқарушы хатшысы тағайындалды
«AMANAT» партиясының атқарушы хатшысы тағайындалды
«AMANAT» партиясының Төрағасы Ерлан Қошановтың Қаулысымен партияның Атқарушы хатшысы болып Елнұр Сабыржанұлы Бейсенбаев тағайындалды деп хабарлады turkystan.kz.
Бұған дейін бұл қызметті атқарған Асхат Оралов Мәдениет және спорт министрі болып тағайындалған болатын. Қазақстан Республикасы Парламенті Мәжілісінің Әлеуметтік-мәдени даму комитетінің мүшесі Елнұр Сабыржанұлы Бейсенбаев 1986 жылы 27 маусымда Шымкент облысының Кентау қаласында дүниеге келген. 2008 жылы әл-Фараби атындағы Қазақ ұлттық университетін «Саясаттану» мамандығы бойынша бітірген. 2010 жылы «Саясаттану» мамандығы бойынша магистр дәрежесін алды. 2006-2008 жылдары – «Болашақ» РҚ жастар қанатының жетекшісі, волонтер, белсендісі. 2006 жылдан 2010 жылға дейін «Болашақ» РҚ төрағасының орынбасары, «Жастар Үні» журналы бас редакторының орынбасары болып жұмыс істеді. 2010-2012 жылдары – «Жастар Үні» ЖҚБ төрағасы. 2012-2015 жылдары Алматы қаласындағы № 48 мектеп-лицейінің тарих пәнінің мұғалімі, ҚКХП Алматы қалалық филиалының хатшысы болды. 2015-2017 жылдары – Алматы қаласы Жастар саясаты мәселелері басқармасының басшысы. 2019 жылдан 2020 жылға дейін Нұр-сұлтан қаласы әкімінің кеңесшісі болған. 2021-2021 жылғы 14 қаңтар аралығында «Nur Otan» партиясы жанындағы «Jas Otan» жастар қанатының төрағасы болды.