Қасым-Жомарт Тоқаев Қазақстан халқына ант берді

Қазақстан Республикасының президенті болып қайта сайланған Қасым-Жомарт Тоқаев халық алдында ант берді деп хабарлады turkystan.kz.

«Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан Республикасы Президентiнiң өзiме жүктелген мәртебелi мiндетiн адал атқаруға салтанатты түрде ант етемiн», — деді Қасым-Жомарт Тоқаев Конституцияға қолын қойып тұрып.

Осы сәттен бастап Президент ресми қызметiне кiрiскен болып саналады. Кейiн Қазақстан Республикасының Мемлекеттiк Гимнi орындалды.