«Түсіндіру жұмыстарына қарамастан, апаттың себебі балалар болатын жол-көлік оқиғалары азаймай отыр. Қазіргі таңда ата-аналардың көбі балаларына еркіндік береді. Ол өз кезегінде қайғылы жағдайға айналуы мүмкін. Ата-аналар балалардың «сынақ пен қателік» арқылы үйрену қабілетін асыра бағалайды. Кей жағдайларда ата-аналар қауіпсіздік туралы ойламай, балаларына автокөлік кілттерін береді. Бұл кәмелетке толмағандардың және жол жүрісіне қатысушылардың өміріне қауіп төндіреді. Жыл басынан бері Қазақстанда жасөспірімдердің көлік тізгіндеуінен 70-тен астам жол-көлік оқиғасы болды. 10-нан астам адам қаза тауып, 90-нан астам адам жараланды. Мәселен, кеше Атырау облысында Жасталап ауылының жанындағы жолда Toyota автокөлігін басқарған 14 жастағы бала аударылып қалды. Салдарынан бала қайтыс болды. Ал 4 жасөспірім жолаушы ауруханаға түсті. Осыған байланысты ІІМ көлік құралын басқару құқығы жоқ адамға бергені үшін жауапкершілік туралы ескертеді (ӘҚБтК-нің 612-бабының 5-бөлігі)», - деді ІІМ ӘПК-нің ерекше тапсырмалар жөніндегі аға инспекторы Ақтоты Боранова.
14 жастағы баланың қазасы – ІІМ қазақстандықтарға үндеу жасады
14 жастағы баланың қазасы – ІІМ қазақстандықтарға үндеу жасады
ІІМ жолда барынша сақ болуға шақырады деп хабарлады turkystan.kz Polisia.kz сайтына сілтеме жасап.
Ведомство өкілдері жолдағы балалардың қауіпсіздігі әрқашан полицияның бақылауында болатынын атап өтті.