Канело ауыр халде жатқан Айдос Ербосынұлына қолдау білдірді

Кубалық Дэвид Моррельмен кездесуден кейін ауыр халде емханаға түскен қазақстандық Айдос Ербосынұлына орта салмақта әлемнің абсолютті чемпионы Канело қолдау білдірді деп жазды turkystan.kz. Канело Instagram парақшасында Айдос Ербосынұлымен бірге түскен суретті жүктеп, «Сен менің дұғамдасың» деп жазған. Еске сала кетсек, Ербосынұлы Моррельге қарсы кездесудің 12-раундында нокаутпен жеңілді. Жекпе-жектен кейін қазақстандықты дәрігерлер зембілмен алып кеткен. Оның миына қан кеткені анықталған. Жексенбі күні кешке Ербосынұлына операция жасағаны белгілі болды.