Сейсенбі, 31 Қаңтар, 2023

Қырғыз елінің халық саны 7 миллионға жетті

19 қазанда Баткен облысының Қызыл-Кие қаласында Қырғызстанның жеті миллионыншы тұрғыны дүниеге келді. Бұл туралы ҚазАқпарат Қырғызстан Республикасы Ұлттық статистикалық комитетіне сілтеме жасап хабарлады.

Статистикалық мәліметтер бойынша, соңғы жылдары елде болып жатқан демографиялық процестер халық санының жоғары өсу қарқынымен сипатталады. Сыртқы көші-қон сальдосы теріс күйінде қалып отыр, бірақ оның мәні соңғы жылдары айтарлықтай төмендеген.

Республикада тұрақты халық саны 2022 жылғы 1 тамызда 6 млн 977 мың адамды, ал 2022 жылғы 1 қазандағы жағдай бойынша 6 млн 995 мың адамды құраған. Елдің алты миллионыншы тұрғыны Қожошева Айлин 2015 жылы 25 қарашада Ош қаласында дүниеге келген, бес миллионыншы тұрғын – Құрамаев Тыныштықбек 2002 жылы 27 тамызда Бішкек қаласында, төрт миллионыншы – Қайыпова Қаныкей 1985 жылы 27 мамырда Ош облысы Қара-Суу ауданында дүниеге келген.

Байқау айқын
Байқау айқын

Ұқсас жаңалықтар

Back to top button