Головкин «нокаутқа жіберемін» деп қорқытқан «Канелоның» мәлімдемесіне жауап берді

WBA Super, IBF және IBO нұсқалары бойынша орта салмақтағы әлем чемпионы Геннадий Головкин Sporting News-ке берген сұхбатында өзінің қарсыласы Сауль «Канело» Альварестің бұған дейін GGG-ді нокаутқа түсіріп, мансабын аяқтатуға уәде бергеніне қатысты пікір білдірді деп хабарлады turkystan.kz Sports.kz-ке сілтеме жасап. – «Канело» сізді нокаутқа түсіргісі келетінін мәлімдеді. Менің ойымша, бұл қызық. Өйткені сіз нокдаунға да түспегенсіз. «Канелоның» мұндай мәлімдемесін әлсіздіктің белгісі деп санамайсыз ба? – Білмеймін, ол үшін жауап бергім келмейді. Біз оның мінез-құлқын баспасөз конференциясында байқадық. Дмитрий Биволмен болған жекпе-жектен кейін оның қалай қол көтергенін көрдік. Сірә, жеңгеніне сенген болуы керек. Бұл оның шындықпен байланысын жоғалтқанын және өз әлемінде өмір сүретінін көрсетеді.