Жәнібек Әлімханұлы толыққанды әлем чемпионы атанды

Дүниежүзілік бокс ұйымы (WBO) ресми қаулы шығарып, қазақстандық боксшы Жәнібек Әлімханұлын орта салмақтағы әлем чемпионы етіп жариялады деп хабарлады turkystan.kz. Бұл белбеу 2022 жылдың мамыр айына дейін Деметриус Андрадеге тиесілі болатын. Бірақ америкалық боксшы отандасымыз Жәнібек Әлімханұлымен жекпе-жекте чемпиондық атағын қорғаудан бас тартып, екінші орта салмаққа өтіп кеткен болатын. Міне осыдан кейін WBO ұйымының «уақытша» чемпион атағы Әлімханұлына берілді. Осылайша, WBO чемпиондық белбеуінің «уақытша» статусын жоғарылатып, Жәнібек Әлімханұлын ұйымның тұрақты чемпионы етіп жариялады.